बुद्ध एयरको सफ्टवेयर ह्याक गरी टिकट बिक्री गर्ने पक्राउ

काठमाडौँ । बुद्ध एयर प्रालिको हवाई टिकट खरिद–बिक्रीका लागि तयार गरिएको अनलाइन कम्प्युटर प्रणालीमा अनधिकृत पहुँच पुर्‍याएको आरोपमा दुई जना पक्राउ परेका छन् । 

पक्राउ पर्नेमा मोरङ घर भई हाल काठमाडौँको तारकेश्वर नागरपालिका–९ बस्ने ४५ वर्षीय विकास भारती र गोरखा घर भई तारकेश्वर–४ बस्ने बाबुराम अधिकारी रहेका छन् ।

काठमाडौँ उपत्यका अपराध अनुसन्धान कार्यालयका प्रहरी उपरीक्षक काजी कुमार आचार्यका अनुसार उनीहरू सफ्टवेयर ह्याक गरेर गैरकानुनी रूपमा विभिन्न हवाई टिकटहरू बनाएर अवैधरुपमा लाभ लिने कार्यमा संलग्न थिए । उनीहरूलाई आइतबार काठमाडौँ महानगरपालिका–९ गौशालाबाट पक्राउ गरिएको आचार्यले जानकारी दिए ।

प्रहरीले उनीहरूलाई विद्युतीय कारोबार ऐन २०६३ अन्तर्गतको कसुरमा थप अनुसन्धान तथा कारबाहीका लागि जिल्ला प्रहरी परिसर काठमाडौँ पठाएको छ ।