By नेपाल भाइरल 
काठमाडौं : प्रतिनिधिसभा बैठकमा प्रधानमन्त्री केपी शर्मा ओलीले सम्बोधन गर्ने क्रममा राप्रपाले विरोध जनाएको छ। बोल्दै गरेका प्रधानमन्त्रीलाई रोक्ने प्रयास गरेर राप्रपाले संसदमा गैह्रराजनीतिक चरित्र प्रदर्शन गरेको छ।
राप्रपाका सांसदहरू सिटबाट उठेर विरोध जनाइरहेका छन्। सभामुखले प्रधानमन्त्रीलाई दिएको समयमा हल्ला नगर्न आग्रह गरेका छन्। तर पनि उनीहरूले विरोध जारी राखेका छन्। विरोधकै बीच प्रधानमन्त्रीले सम्बोधन गरिरहेका छन्।
आजको संसदमा प्रधानमन्त्रीले बोल्ने कार्यसूची थियो। प्रधानमन्त्रीले कुलमान घिसिङ बर्खास्त प्रकरण र राजावादीले तिनकुनेमा घटाएको हिंसात्मक घटनाबारे सम्बोधन गरिरहेका छन्।