पूर्वप्रदेश प्रमुख डा.राजेश अहिराज झाविरुद्ध जबरजस्तीकरणी मुद्दामा पक्राउ पूर्जी जारी

काठमाडौं । पूर्वप्रदेश प्रमुख डा.राजेश अहिराज झाविरुद्ध जबरजस्तीकरणी(बलात्कार) मुद्दामा पक्राउ पूर्जी जारी भएको छ । जिल्ला परिसर काठमाडौंमा जाहेरी दर्ता भएकोमा अदालतले उनलाई पक्राउ गर्न अनुमति दिएको हो। अहिराज फरार भइसकेका छन्। 

एक २५ वर्षिया किशोरीलाई सात वर्षदेखि यौन शोषण र  बलात्कार गर्दै आएको जाहेरी परेको छ । सहयोगको आवरणमा आफुलाई यौन शोषण गरेको भनेर  पीडितले जाहेरी दिएकी छिन् । जिल्ला प्रहरी परिसर, काठमाडौंका एसपी अपिलराज बोहराले सो घटनामा अनुसन्धान भइरहेको बताए । 

डा.अहिराजलाई २०७७ सालमा केपी शर्मा ओलीले मधेस प्रदेशको प्रमुख बनाएका थिए। पछि सरकार परिवर्तन भएसँगै उनलाई हटाइएको थियो। 

उनी तत्कालिन उपराष्ट्रपति परमानन्द झाको स्वकिय सचिव भएका थिए । त्यसबेला पनि उनी राज्यविरुद्धको अपराध मुद्दामा पक्राउ परेका थिए। आफ्नो पत्रिकामा तराईको सशस्त्र समूहको सैन्य भर्नाका विज्ञापन निकालेको कसुरमा त्यसबेला पक्राउ परेका थिए।