मिमबहादुर

अस्तव्यस्त ध्वस्त सुस्त 

जात गाेत्र सुत्र र मुत्र 

काँडेतारले जेलिएकाे खेल

त्यसभित्रका अनेक जालझेल 

चार गट्टीले जन्माएको नाजीकाे भट्टी जस्तो।

खेल, विभेदको खेल 

एउटै घरभित्र छुट्याइएको खेल

भाइचारा आत्मियता एकता भाड्ने ठूलो झेल

छरिएर यत्रतत्र बाँडिएको छ

जात थर गाेत्रकाे भेषमा।

कुव्यवस्था, कुरीति, कुसंस्कार  

छानिछानी आफूजस्तै अरुलाई

क्रमभङ्ग, विनिर्माण र विद्रोह गर्नेलाई

ग्यास च्याम्बरभित्र ढिलाेचाँडाे राख्ने छ 

खाल्डा, रुखका हाङ्गा, नदीका बेग भरिने छन्।

बाेल्ने छ, चल्ने नचल्ने हेर्ने छन्

नमिलेको खण्डमा भित्र भट्टीमा पाेल्ने छन्

धकाल्ने छ, रमिता हेर्ने छ 

छट्पटिएकाे, चिच्चाएकाे, खरानी भएको 

तमासा, थपडी सामूहिक बज्ने छ।

चेतावनीकाे निम्ति मानवताविरोधी मिसाइलहरु

ग्याँसहरु सधैं तयार छन्, 

गाेत्र कुलका आणविक हतियारहरु

ठाउँ–ठाउँ आक्रमण बुन्न, खति गर्न  

क्षति, क्षतविक्षत, यत्रतत्र हेर्न तम्तयार छन्।

तिम्रो व्यवस्था 

कहीँ नभएको जात व्यवस्था, वर्णव्यवस्था

मुर्दावाद, मुर्दावाद, मुर्दावाद !

One thought on “जात व्यवस्था मुर्दावाद (कविता )”

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ