‘समृद्ध नेपाल,सुखी नेपाली’ को छायांकन प्रारम्भ

झापा–देशमा भएका तथा भइरहेका समृद्धि सम्बन्धि समग्र बिषयहरुको उजागर गर्ने उद्देश्यल सभ्यता अन्वेषण केन्द्रको ब्यानरमा बृत्तचित्र ‘समृद्ध नेपाल,सुखी नेपाली’ को छायांकन थालिएको छ । बृतचित्रको छायांकन मेची नगर–१ बाहुनडागिको पाटापुरबाट शुरु भएको हो ।

सो स्थान मदन भण्डारी राजमार्गको प्रारम्भ बिन्दु हो । डा. बिजय सुब्बा र गोबिन्द काइला पराजुली सल्लाहकार रहेको बृत्तचित्रको लेखन तथा निर्देशन शशि लुमुम्बू र बिश्वमणि घिमिरको रहेको छ ।

देशमा भइरहेका बिकास निर्माणका समग्र पक्ष समेटिने बृत्तचित्र निर्माण पश्चात देशै भरी प्रदर्शन गरिने लक्ष्य रहेको निर्देशक लुमुम्बूले बताउनभयो ।

बृत्तचित्रको छायांकनमा सुरज ढकाल र उपेश कोइराला हुनुहुन्छ भने स्थानीय सहजिकरण युवा उधमि सुबोध निरौलाले गरिरहनुभएको छ ।