By नेपाल भाइरल 
काठमाडौं । बलिउड फिल्म दबंगका निर्देशक अभिनव कश्यपले अभिनेता सलमान खान र उनका भाइ अर्बाज खानमाथि पुनः कडा आरोप लगाएका छन्। उनले दाबी गरेका छन् कि सलमानले आफूलाई फिल्मको लेखक र निर्देशकको रूपमा पर्याप्त पारिश्रमिक नदिएको र दबाबमार्फत् आफूलाई दबंग २ लेख्न बाध्य बनाएको हो।
अभिनवका अनुसार सलमान र अर्बाजले उनलाई अन्य प्रोजेक्टहरू छाड्न दबाब दिएका थिए। “म फिल्मको निर्देशकभन्दा पहिले यसको लेखक हुँ। सबै कुरा स्क्रिप्टबाट सुरु हुन्छ,” उनले भने। “सलमानलाई पनि थाहा छ — उनका पिता सलीम खानले अतीतमा अमिताभ बच्चनभन्दा बढी पारिश्रमिक पाएका थिए। त्यस हिसाबले, यदि सलमानले ‘दबंग’बाट १५० करोड पाएका हुन् भने मलाई कम्तीमा २०० करोड तिर्नुपर्थ्यो।”
अभिनवले दाबी गरे कि ‘दबंग’को सम्पूर्ण विचार र स्क्रिप्ट आफ्नो हो तर अर्बाज खानले आफूलाई प्रोड्युसरका रूपमा जोड्न “निवेदन नै गरे”। उनले आरोप लगाए, “यो मेरो फिल्म थियो, तर उनीहरूले यसलाई मबाट छिन्ने प्रयास गरे। यो सोनेको चेन लुटिएजस्तो नै थियो।”
अभिनवका अनुसार अर्बाजले दबाव सिर्जना गर्दै उनलाई अन्य प्रोजेक्ट छोड्न बाध्य बनाए, जबकि सलमान रेडी र बडीगार्ड जस्ता फिल्ममा व्यस्त थिए। उनले भने, “म अरू प्रोजेक्ट गर्दै गर्दा उनीहरूले मलाई दबंग 2 लेख्न लगाएर फ्रिमा स्क्रिप्ट लेखाउन खोजे।”
उनले अर्बाजसँगको अनुभवलाई व्यङ्ग्य गर्दै भने, “मैले जब उनलाई सिक्वेलको पहिलो सीन सुनाएँ, उनी हाँस्दै भुइँमा लडे। त्यसपछि मैले महसुस गरेँ— ‘अब यो फिल्म मसँग नराखे नै ठीक हुन्छ।’ म त्यही फिल्म फेरि बनाउने भन्ने काममा दुई वर्ष खेर फाल्ने थिएँ, न पैसा पाउँथे न सम्मान।”
अन्ततः अभिनव कश्यपले दबंग 2 बाट हात झिके, र त्यसपछि फिल्मलाई अर्बाज खानले नै निर्देशन गरे। यद्यपि दबंग 2 सफल भयो, अभिनवको अर्को फिल्म ‘बेशरम’ (२०१३) भने फ्लप साबित भयो।
हालै दबंगको १५ वर्ष पूरा हुँदै गर्दा अभिनवले फेरि खान परिवारमाथि आक्रामक टिप्पणी गर्दै भनेका छन्,
“सलमान खानले अरूको श्रम चोरेर होइन, इमानदार काम गरेर कमाउन सिक्नुपर्छ।”