हुम्लामा स्वास्थ्यकर्मीमाथि बलात्कार प्रयास आरोपमा तिन जना पक्राउ

काठमाडौँ । हुम्लामा स्वास्थ्यकर्मीमाथि बलात्कार प्रयास आरोपमा तिन जना पक्राउ परेका छन् । ताँजाकोट गाउँपालिका वडा नं ३ मा पर्ने मैला स्वास्थ्य चौकीका इन्चार्ज लिलाराज शर्मा, एम्बुलेन्स चालक मंगल शाही र कार्यालय सहयोगी रामबहादुर बुढालाई पक्राउ परेका हुन् ।

जिल्ला प्रहरी कार्यालय हुम्लाका डिएसपी शंकर पोखरेलका अनुसार हुम्लाको ताँजाकोट गाउँपालिकामा फेज नेपालमा कार्यरत एक महिला स्वास्थ्यकर्मीमाथि सामुहिक बलात्कार प्रयासको आरोपमा पक्राउ गरिएको हो ।

‘गएको मंगलबार राति लगभग ११ बजेतिर ति महिला स्वास्थ्यकर्मी बसेको कोठामा गई अभद्र व्यवहार गरेका रहेछन् । महिलाको आरोप त मदिरा सेवन गरेर तिनै जनाले बलात्कारको प्रयास गरेको भन्ने छ । उनीहरुलाई राती नै सिमकोट ल्याएका छौँ । आजै पीडित महिलाको बयान अनुसार मुद्दा दर्ता गरेर म्याद थपका लागि जिल्ला अदालतमा लैजान्छौँ ।उनिहरु तीनै जनाले मादक पदार्थ सेवन गरेको पुष्टि भएको छ ।’ नेपालभाइरलसँग डिएसपी पोखरेल बताए  ।

जवाफ लेख्नुहोस्

तपाईँको इमेल ठेगाना प्रकाशित गरिने छैन। अनिवार्य फिल्डहरूमा * चिन्ह लगाइएको छ