असफलतादेखि स्वर्ण पदक विजेतासम्म: अकालेश कुमार मिश्रको प्रेरणादायी यात्रा

२७ वर्षीय अकालेश कुमार मिश्रले कडा परिश्रम र दृढ संकल्पले जीवन परिवर्तन गर्न सक्छ भन्ने कुरा प्रमाणित गरेका छन्। उनी एक पटक एसएलसी परीक्षामा असफल भए । उच्चमाध्यमिक तहमा संघर्ष गरे, दोस्रो श्रेणीमा मात्र उत्तीर्ण भए। धेरैले उनको आलोचना गरे, तर उनले कहिल्यै हार मानेनन्।
शिक्षाप्रति समर्पणका कारण, उनले आफ्नो स्नातक अध्ययनमा उत्कृष्ट प्रदर्शन गरे र आफ्नो एमबीएमा चम्किरहे, प्रत्येक त्रैमासिकमा उत्तम ४.० जीपीए प्राप्त गर्दै डीनको सूचीमा स्थान बनाए। पोखरा विश्वविद्यालयको दीक्षान्त समारोहमा एमबीए स्वर्ण पदक प्राप्त गर्दा उनको प्रयास सार्थक भयो।
अहिले ,उनी काठमाडौँमा अध्यापन सँगसँगै व्यवसायिक  प्रशिक्षकको रूपमा काम गर्छन् । भविष्यमा  नेपाल राष्ट्र बैंककाे अधिकृत तहको लागि तयारी गरिरहेको उनले बताए ।