केपी ओली कपको फाइनल आज, उपाधिका लागि मच्छिन्द्र र आर्मी भिड्दै

केपी ओली कप फुटबल प्रतियोगिताको फाइनल खेल आज हुँदै छ । आज साँज ६ बजे दशरथ रंगशालामा उपाधिका लागि मच्छिन्द्र एफसी र त्रिभुवन आर्मी क्लब आमनेसामने हुँदै छन् ।

मच्छिन्द्रले सेमिफाइनलमा आयोजक केपी एफसी र आर्मीले संकटा क्लबलाई हराउँदै फाइनलमा भेट पक्का गरेका हुन् । प्रतियोगिताको आयोजना राष्ट्रिय युवा संघ नेपालले गरेको हो ।

प्रतियोगिताको विजेताले १५ लाख ११ हजार एक सय ११ रुपैयाँ पाउनेछन् भने उपविजेताले ५ लाखसहित ट्रफी, प्रमाणपत्र र मेडल पाउनेछन् ।

त्यस्तै, सर्वोत्कृष्ट खेलाडीले एक लाख, उत्कृष्ट गोलरक्षक, गोलकर्ता र उदीयमान खेलाडीले समान ५० हजार पाउनेछन् । फाइनल खेलमा विश्वचर्चित फुटबल खेलाडी इटलीका लिजेण्ड गोलकिपर जियानलुइजी बुफन प्रमुख अतिथिको रूपमा रहनेछन् । उनी नेपाल आइपुगिसकेका छन् ।