पहिलो हाफ नेपाल र म्यानमार बराबरीमा राेकिए

काठमाडौँ । अखिल नेपाल फुटबल संघ (एन्फा) द्वारा आयोजित अन्तर्राष्ट्रिय महिला च्याम्पियनसिपमा प्रारम्भिक चरणको अन्तिम खेलमा नेपाल र म्यानमारबिचको खेल जारी रहेको छ ।

त्रिपुरेश्वरस्थित दशरथ रंगशालामा जारी फाइनलमा पुगिसकेका दुई टोलीबिचको खेलमा निकै रोमाञ्चक प्रतिस्पर्धा भइरहेको छ । खेलको पहिलो हाफ २–२ को बराबरीमा टुंगिएको हो ।

खेलमा नेपालले दुईपटक कम्ब्याक गर्दै खेल बराबरी गरेको हो । घरेलु टोली छैटौँ मिनेटमा नै पछि परेको थियो । म्याट नोई खिनको फ्रिकिक गोलमा परिणत भएपछि खेलको सुरुवातमा नै नेपाललाई झट्का लागेको थियो ।

तर, म्यानमारको अग्रता लामो समय टिक्न सकेन । ११ औँ मिनेटमा साबित्रा भण्डारीको शानदार पासमा सविता रानामगरले नेपाललाई खेलमा फर्काइन् ।

यद्यपि, १७ औँ मिनेटमा नेपाली डिफेन्सको गल्तीको फाइदा उठाउँदै म्यानमारले पुनः अग्रता लियो । मे हेट लुले प्रतियोगितामा तेस्रो गोल गर्दै टोलीलाई अग्रता दिलाइन् ।

नेपालले ४१ औँ मिनेटमा पुनः कम्ब्याक गर्‍यो । यसपटक प्रीति राईको पासमा साबित्रा भण्डारीले नेपाललाई खेलमा फर्काइन् ।
काठमाडौँ । अखिल नेपाल फुटबल संघ (एन्फा) द्वारा आयोजित अन्तर्राष्ट्रिय महिला च्याम्पियनसिपमा प्रारम्भिक चरणको अन्तिम खेलमा नेपाल र म्यानमारबिचको खेल जारी रहेको छ ।