By नेपाल भाइरल 
काठमाडौं । काठमाडौं लगायतका देशभरका विभिन्न ठाउँमा बत्ती १-२ घण्टा जाने क्रम कुलमान घिसिङ विद्युत प्राधिकरणबाट बाहिरिएपछि देखिन थालेको थियो । विद्युत प्राधिकरण , त्यसका जिएम हितेन्द्रदेव शाक्य , उर्जामन्त्री दिपक खड्काकाे आलोचना संसददेखि आम जनमानसबाट आएकाे हाे । याे क्रम चलिरहेको थियो तर हिजोदेखि पश्चिम चितवन र माडी क्षेत्रमा आइतबार ६ घण्टा विद्युत् आपूर्ति अवरुद्ध हुने भएको छ। नेपाल विद्युत् प्राधिकरण चनौली वितरण केन्द्रले सूचना जारी गरी माग बढेको भन्दै ६ घण्टा विद्युत् अनियमित हुने तालिका सार्वजनिक गरेको हो।
यस विषयमा प्राधिकरणका प्रमुख शाक्यलाई प्रश्न गर्दा त्यो लाेडसेडिङ हाेइन केही समयपछि ठिक हुन्छ भनेर पन्छिन खाेजि रहेका छन् ।
जनमानसमा भने उनको विरोधमा आवाज बढ्न थालेको छ । माडीमा स्थानीयले प्रदर्शनसमेत गरिरहेका छन् ।