दिनदहाडै सुत्ने सांसदलाई जिताएपछि राष्ट्र सुत्नु स्वभाविक

काठमाडौं । देशको सामाजिकआर्थिक राजनीतिक अवस्था बुझ्न त्यो देशको संसद र त्यसभित्रका सांसदकाे गतिविधि हेरे पुग्छ । विकसित राष्ट्रका संसद र सांसद जीवन्त हुन्छन् । अविकसित राष्ट्रका संसद र सांसद पूरै सुस्त हुन्छन् ।

नेपालकाे सवालमा देशको संसद र सांसद सुस्त छन् । बैठकमा आउने सुत्ने , रातको निद्रा पुर्‍याउने र जाने काममा बढी सांसदहरू विज्ञ देखिएका छन् ।

यसरी संसदमा सांसदहरू दिउँसै सुत्नु राम्रो हाेइन । यसले दिने सन्देश निकै भयावह रहेको विज्ञहरूको ठम्याइ रहेको छ । सांसदहरू काम संसदमा सुत्ने हाे ? सांसदहरू सुते संसदमा जनताको आवाज कसले बाेल्ने ? जनताका दैनिक जीवनसँग जाेडिएका मुद्दा कसले हेर्ने ?

तिताे सत्य के हाे भने संसद भवनभित्रकाे दृश्यले ठ्याक्कै नेपालकाे वर्तमान अवस्था स्पष्टरुपमा बताएको छ । हरेक काम चाहे त्यो राजनीतिक हाेस् या आर्थिकसामाजिक नेता सुतेका छन् । काम कर्तव्य हुँदाहुँदै सुत्नु भनेको एक हिसाबले सिध्याउनु हाे । दुर्गतिकाे मार्गमा जानु हाे ।

पछिल्लो समय नेपालकाे संघीय र प्रादेशिक संसदमा सांसद सुत्नु सामान्य भएको छ । एकपछि अर्को सामाजिक सञ्जाल तथा मिडियामा आउने तस्बिरले पुष्टि गरेको छ । सांसदहरु सुत्नु भनेको विचार सुत्नु , विकास सुत्नु , काम सुत्नु हाे । सुत्नु त्यो पनि जिम्मेवार व्यक्ति अझ हाउसमा , याे राष्ट्रका लागि राम्रो सङ्केत हाेइन ।