भक्तपुरमा ५० हजार दर्शकले खेल हेर्न मिल्ने रङ्गशाला निर्माण हुने

काठमाडौं । सम्माननीय प्रधानमन्त्री केपी शर्मा ओलीज्युले भक्तपुरको सूूर्यविनायकमा नयाँ रंगशाला बनाउने विषयमा आज सूूर्यविनायक नगरपालिका, राष्ट्रिय खेलकुुद परिषद् (राखेप) र अखिल नेपाल फुटबल संघ (एन्फा) का नेतृत्वसँग छलफल गर्नुभएको छ ।

हाल काठमाडौँ स्थित दशरथ रंगशाला सानो भएकाले कम्तीमा ५० हजार दर्शकले खेल हेर्न मिल्ने खालको सुविधासम्पन्न रंगशाला निर्माणका लागि आवश्यक पर्ने जग्गालगायत पूर्वाधारका प्रबन्धकाे लागि प्रधानमन्त्रीज्यूले परामर्श गर्नुभएकाे हो । सो अवसरमा नगरपालिकाले वडा नम्बर ८, जगाते (पुरानो इँट्टा टायल कारखाना) स्थित दुुई सय रोपनी जग्गा प्राप्तीको प्रक्रिया छिटो भन्दा छिटो अघि बढाउने ब्यहोरा प्रधानमन्त्रीलाई अवगत गराएको छ ।