राष्ट्रिय लाेक सञ्चारकर्मी नेपालले सामाजिक सद्भाव भड्काएको आरोपमा तीन गीतविरुद्ध प्रहरीको साइबर ब्युरोमा उजुरी

काठमाडौं । राष्ट्रिय लोक सञ्चारकर्मी नेपालले सामाजिक सद्भाव भड्काएको आरोपमा तीन गीतविरुद्ध प्रहरीको साइबर ब्युरोमा उजुरी दिएको छ । रामजी खाँण र शान्तिश्री परियारको स्वरमा रहेको ‘लुकी लुकी’, ध्रुब पुन र चन्द्रकुमारी शाहीको स्वरमा रहेको गीत ‘गाई कालो’ र राजकुमार वली, अस्मिता थापा तथा लक्ष्मी थापाको स्वरमा रहेको ‘सल्ला दमारमा’, गीतविरुद्ध नेपालले ब्युरोमा उजुरी दिएको हो ।

आइतबार अपराह्न संस्थाका संस्थाका अध्यक्ष चन्द्रमणि गौतम र सचिव कमल सरगम लगायतको समूहले साइबर ब्युरोको कार्यालयमा पुगेर उजुरी दिएका हुन् । तीज गीतका नाममा विकृति फैलाएको तथा सामाजिक सद्भाव भड्काएको भन्दै उजुरी दिइएको संस्थाका अध्यक्ष चन्द्रमणि गौतमले बताए ।

उनका अनुसार तीनवटै  गीतसँगै ती गीतको भिडियोमा देखिएका कलाकारमाथि अनुसन्धान गरेर कारबाही प्रक्रिया अघि बढाउने ब्युरोले जनाएको छ ।